2026 ஏப்ரல் 04, சனிக்கிழமை

ஹஜ்ஜூப் பெருநாள் தினத்தை விடுமுறை தினமாக்க கோரிக்கை

Suganthini Ratnam   / 2012 ஒக்டோபர் 19 , மு.ப. 04:28 - 0     - {{hitsCtrl.values.hits}}

(எம்.சுக்ரி)

எதிர்வரும் 27ஆம் திகதி புனித ஹஜ்ஜூப் பெருநாள் தினமாக பிரகடனப்படுத்தப்பட்டுள்ளதால் அத்தினத்தை அரசாங்க விடுமுறை தினமாக்குமாறு அஞ்சல் திணைக்கள உத்தியோகத்தர்கள் சங்கம் சம்மந்தப்பட்டோரிடம் கோரிக்கை விடுத்துள்ளது.

சங்கம் சார்பாக அதன் பொதுச் செயலாளர் யூ.எல்.எம். பைசர் விடுத்துள்ள கோரிக்கையில் மேலும் தெரிவிக்கப்பட்டுள்ளதாவது,

'எதிர்வரும் 27ஆம் திகதி சனிக்கிழமை அரசாங்க வேலை நாளாக உள்ளது. அஞ்சல், சுகாதாரம், போக்குவரத்து, துறைமுக அதிகாரசபை, டெலிகொம் மற்றும் இதர அரச நிறுவனங்களுக்கு சனிக்கிழமை கடமை நாளாக இருப்பதால், இந்த அரசாங்க நிறுவனங்களில் கடமையாற்றும் முஸ்லிம் ஊழியர்களுக்கு அன்று பெருநாளைக் கொண்டாட முடியாத நிலை ஏற்பட்டுள்ளது.

எனவே எதிர்வரும் 27ஆம் திகதியை அரசாங்க விடுமுறை தினமாக்குமாறு அரசாங்கத்திடம் கோரிக்கை விடுக்கும் அதேவேளை, இது தொடர்பாக ஆக்கபூர்வ நடவடிக்கை எடுக்குமாறு முஸ்லிம் அமைச்சர்கள், பிரதியமைச்சர்கள், ஆளுநர் அலவி மௌலானா கிழக்கு முதலமைச்சர் நஜீப் ஏ மஜீட், முஸ்லிம் நாடாளுமன்ற உறுப்பினர்கள், முஸ்லிம் அரசியல்வாதிகள் அனைவரிடமும் கோருகின்றோம்' என தெரிவிக்கப்பட்டுள்ளது.

  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .