தேசிய இளைஞர் தின கொண்டாட்டங்கள் நாளை

-வடிவேல் சக்திவேல்

தேசிய இளைஞர் தினம், நாளை சனிக்கிழமை (23) கொண்டாடப்படவுள்ளதாக தேசிய இளைஞர் சேவைகள் மன்றத்தின் மட்டக்களப்பு மாவட்ட உதவிப் பணிப்பளர் எம்.எல்.எம்.என்.நைறூஸ் தெரிவித்தார்.

இதன் பிரதான நிகழ்வு, பிரதமர் ரணில் விக்கிரமசிங்கவின் தலைமையில் மஹரகமயிலுள்ள தேசிய இளைஞர் சேவைகள் மன்றத்தின் தலைமைக் காரியாலய கேட்போர் கூடத்தில் நாளை சனிக்கிழமை காலை 8.30 மணிக்கு இடம்பெறவுள்ளதாகவும் அவர் தெரிவித்தார்.

இந்நிகழ்வில் பங்குபற்றுவதற்றாக மட்டக்களப்பு மாவட்டத்திலிருந்து 50 இளைஞர், யுவதிகள் கலந்துகொள்ளவுள்ளனர்.

இவர்களில் தெரிவுசெய்யப்பட்ட சில இளைஞர், யுவதிகளின் திறமைகளைப் பாராட்டி விருதுகளும் வழங்கப்படவுள்ளதாக அவர் மேலும் தெரிவித்தார்.