உரத்தட்டுப்பாடு குறித்து ஆராய்வு

-ஆ.ரமேஸ்

இராசாயன பசளையை அரசாங்கம் இடைநிறுத்தியுள்ள நிலையில், நுவரெலியா மாவட்டத்தில் விவசாயிகள் மற்றும் இரசாயன பசளை விற்பனையாளர்களுக்கு ஏற்பட்டுள்ள பாதிப்புகள் குறித்து இராஜாங்க அமைச்சர் ஜீவன் தொண்டமானின் கவனத்துக்குக் கொண்டுவரப்பட்டது.

இந்நிலையில் இவ்விடயம் குறித்து நுவரெலியாவில் உள்ள விவசாயிகள் மற்றும் பசளை விற்பனையாளர்கள் உள்ளிட்ட நுவரெலியா மத்திய பொருளாதார வர்த்தகர் சங்கத்தினர், தோட்ட வீடமைப்பு மற்றும் சமுதாய உட்கட்டமைப்பு இராஜாங்க அமைச்சர் ஜீவன் தொண்டமானை சந்தித்து கலந்துரையாடினர்.

இந்தச் சந்திப்பு இலங்கைத் தொழிலாளர் காங்கிரஸின் நுவரெலியா மாவட்ட காரியாலயத்தில், இன்று (10) காலை இடம்பெற்றது.

இது தொடர்பில் கவனம் செலுத்துவதாக, இராஜாங்க அமைச்சர் ஜீவன் தொண்டமான் இதன்போது தெரிவித்தார்.