எரிந்த நிலையில் பெண்ணின் சடலம் மீட்பு

ரவிந்தர விராஜ் அபயசிறி

மாத்தளை  ரத்வத்தை தோட்டம், தொம்பகொட பிரதேசத்தில், உடற்பாகங்கள் எரிந்த நிலையில் பெண்ணொருவரின் சடலத்தை, ரத்தொட்டை பொலிஸார் நேற்று (21) மீட்டுள்ளனர்.

பெண்ணின் சடலமொன்று கிடப்பதாக பொலிஸாருக்கு வழங்கப்பட்டத் தகவலையடுத்து, ஸ்தலத்துக்கு விரைந்த பொலிஸார்  சடலத்தை மீட்டுள்ளனர்.

மண்டையோடும் ஒரு கால் மட்டுமே எரிந்த நிலையில் காணப்பட்டதாக பொலிஸார் தெரிவித்தனர்.

சடலமாக மீட்கப்பட்டவர்கள் வேறு ஓர் இடத்தில் கொலைசெய்யப்பட்டு மேற்படிப் பகுதியில் வீசப்பட்டிருக்கலாம் என்று பொலிஸார் சந்தேகம் தெரிவித்துள்ளனர்.

 பெண்ணின் விவரங்கள் கண்டறியப்படவில்லை என்றும் இது தொடர்பில் மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர்.