கசிப்புடன் இருவர் கைது

ரவிந்திர விராஜ் அபயசிறி

மாத்தளைக்கு உட்பட்ட பகுதியில், கைவிடப்பட்ட நிலையிலிருந்த காணியில் மிக இரகசியமான முறையில் கசிப்பு உற்பத்தியில் ஈடுபட்டு வந்த இருவரை, மாத்தளை பொலிஸார்  இன்று   கைதுசெய்துள்ளதுடன் அவர்களிடமிருந்து 35லீற்றர் 500 மில்லிலீற்றர் கசிப்பையும் கைபற்றியுள்ளனனர்.

பொலிஸாருக்குக் கிடைக்கப்பெற்ற இரகசியத் தகவலைத் தொடர்ந்து, மேற்படி பகுதியை திடீரென சுற்றிவளைத்த பொலிஸார், கசிப்பு காய்ச்சிக்கொண்டிருந்த நிலையில் இருவரை கைதுசெய்துள்ளதுடன், கசிப்புக் காய்ச்சுவதற்காக பயன்படுத்திய பொருட்களையும் கைப்பற்றியுள்ளனர்.

கடவுலேன பிரதேசத்தை சேர்ந்த இருவரே, இதன்போது கைதுசெய்யப்பட்டுள்ளனர். இவர்களை நீதிமன்றில் ஆஜர்படுத்துவதற்கான நடவடிக்கையில் பொலிஸார் ஈடுபட்டு வருகின்றனர்.