கும்ப நீரில் குளித்தார் வடிவேல்

பிரபல நடிகரும் முன்னாள் பாராளுமன்ற உறுப்பினருமான ரஞ்சன் ராமநாயக்க தலைமையில் ஆரம்பிக்கப்பட்ட ஐக்கிய ஜனநாயக குரல் கட்சியில் இந்த வருட பொதுத் தேர்தலில் போட்டியிடுவதற்காக பாராளுமன்ற உறுப்பினர்  வடிவேல் சுரேஷ் இணைந்து கொண்டார்.

கட்சியின் பதுளை மாவட்ட அமைப்பாளராக தனது அரசியல் நடவடிக்கைகளில் இணைந்து கொண்ட அவர், பொதுத் தேர்தலில் பதுளை மாவட்டத்தில் மைக் சின்னத்தில் போட்டியிடும் அணியின் தலைவராகவும் செயற்பட்டு வருகின்றார்.

பெருந்தோட்டங்களில் தேர்தல் பிரசாரத்தை ஆரம்பிக்கும் முன்  வடிவேல் சுரேஷ் ஹலிஎல்ல தோட்டத்தில் தனது கட்சி அலுவலகத்தை திறந்து வைத்து இந்து முறைப்படி பூஜையில் கலந்து கொண்டு, கும்ப நீரில் நீராடினார்.