கைதி சடலமாக மீட்பு

சி.எம் ரிஃபாத்

திறப்பணை பொலிஸ் நிலைய சிறைக்கூண்டிலிருந்து கைதியொருவர் இன்று வியாழக்கிழமை (03) அதிகாலை சடலமாக மீட்கப்பட்டுள்ளார்  என திறப்பணை பொலிஸார்  தெரிவித்தனர்.

எப்பாவெல  பிரதேசத்தை சேர்ந்த 44 வயதுடைய மேற்படி சந்தேக நபர், சட்டவிரோதமாக மதுபானம் வைத்திருந்தார் என்ற குற்றச்சாட்டில் செவ்வாய்க்கிழமை  (02) மாலை  6 மணியளவில்; கைதுசெய்யப்பட்டிருந்தார்.

இவர்; தற்கொலை செய்துக்கொண்டிருக்கலாம் என பொலிஸார் சந்தேகம் தெரிவித்தனர்.

இவரின் மரணம் தொடர்பாக  விசாரணைகள் நடைபெற்றுவருவதாக  பொலிஸார் தெரிவித்தனர்.