க​ராத்தே, நடன வகுப்புகளுக்குப் பூட்டு

-சுதத் எச்.எம். ஹேவா

ஹட்டன் டிக்கோயா நகர சபை பகுதியில் நடைபெறும் கராத்தே வகுப்புகள் நடன வகுப்புகளை நிறுத்துவதற்கு அறிவுறுத்தல்கள் வழங்கப்பட்டுள்ளனவென, ஹட்டன் டிக்கோயா நகர சபை தவிசாளர் சதயன் பாலச்சந்திரன் தெரிவித்தார்.

இது தொடர்பில் தொடர்ந்துரைத்த அவர், தற்போதைய  கொரோனாவைரஸ் பரவல் அச்சத்தை கருத்தில் கொண்டே, இந்த நடவக்கை எடுக்கப்பட்டுள்ளதாகத் தெரிவித்தார்.

இந்நிலையில், ஹட்டன் டிக்கோயா நகர சபை எல்லைக்குட்பட்ட பகுதிகளில் உள்ள அனைத்து கல்வி வகுப்புகளும் இடைநிறுத்தப்பட்டுள்ளதாகத் தெரிவித்த அவர், இதைத் தொடர்ந்து  கராத்தே வகுப்புகள் மற்றும் நடன வகுப்புகளையும் நிறுத்தப்படுமாறு அறிவுறுத்தப்பட்டுள்ளதாககவும் கூறினார்.

இந்த அறிவுறுத்தலை மீறுபவர்களுக்கு எதிராக கடும் நடவடிக்கை எடுக்கப்படுமெனவும், தவிசாளர் எச்சரித்தார்.