சுகயீன விடுமுறைப் போராட்டத்தால் கல்வி நடவடிக்கைகள் ஸ்தம்பிதம்

நாடளாவிய ரீதியில், அதிபர்கள், ஆசிரியர்கள் முன்னெடுத்துவரும் சுகயீன விடுமுறைப் போராட்டம் காரணமாக, பாடசாலைகளின் கல்வி நடவடிக்கைகள் ஸ்தம்பிதம் அடைந்துள்ளன.

வழமைப்போன்று மாணவர்கள் இன்று (13) வருகைத்தந்துள்ளப் போதிலும் ஆசிரியர், அதிபர்கள் இன்மையால், கல்வி நடவடிக்கைகள் பாதிப்படைந்துள்ளதாகத் தெரிவிக்கப்படுகிறது.

சில பாடசாலைகளின் அதிபர், ஆசிரியர்கள் இந்த சுகயீன வீடுமுறைப் போராட்டத்தில் பங்கேற்கவில்லை என்றும் வழமைபோன்று கல்வி நடவடிக்கைகளில் ஈடுபட்டு வருகின்றனர் என்றும் தெரிவிக்கப்படுகிறது.