டிப்பர் ரக வாகனம் 50 அடி பள்ளத்தில் விழுந்து விபத்து

-மு.இராமச்சந்திரன், எஸ்.கணேசன்

பலாங்கொடையிலிருந்து ஹட்டன் வழியாக கண்டி,திகனவுக்கு இன்று(30) அதிகாலை பயணித்த டிப்பர்ரக வாகனம், வீதியை விட்டுவிலகி 50 அடி பள்ளதில் விழுந்து விபத்துக்குள்ளானதில் இருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

உரம் ஏற்றுவதற்காக பொகவந்தலாவையிலிருந்து கண்டி நோக்கி பயணித்த மேற்படி வாகனமானது, ஹட்டனிலிருந்து பலாங்கொடை நோக்கி சென்ற ஜீப் வண்டிக்கு, இடமளிக்க முற்பட்ட போதே, இந்த விபத்து இடம்பெற்றுள்ளதாக  பொகவந்தலாவை பொலிஸார் தெரிவித்தனர்.

விபத்தில்  வாகனத்தின் சாரதியும் உதவியாளர் ஒருவரும் படுகாயமடைந்த நிலையில் பொகவந்தலாவை வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.