தம்புள்ளை விசேட வர்த்தக சந்தையில் பெரிய வெங்காயத்தின் விலை வீழ்ச்சி

-மொஹொமட் ஆஸிக்

தம்புள்ளை விசேட வர்த்தக சந்தையில் பெரிய வெங்காயத்தின் விலை வீழ்ச்சியடைந்துள்ளதாக வர்த்தகர்கள் தெரிவிக்கின்றனர்.

கடந்த சில வாரமாக தம்புள்ளை விஷேட வர்த்தக சந்தைக்கு,  பெரிய வெங்காயத்தின் இறக்குமதியானது குறைவடைந்துள்ளதாகவும் இதனால், வெங்காயத்தின் மொத்த விலை ஒரு கிலோ 100 - 110 ரூபாவுக்குமிடையில் காணப்படுவதாக தெரிவித்தனர். 

நேற்று திங்கட்கிழமை (31) முதல் சந்தைக்கு வெளிநாட்டு பெரிய வெங்காயம் பெருமளவு இறக்குமதி செய்யப்பட்டுள்ளமையால் வெங்காயத்தின் விலை மேலும் வீழ்ச்சியடைந்து, வெங்காயத்தின் மொத்த விலை ஒரு கிலோ ரூபா 70 - 80 க்கும் இடையில் இருப்பதாக வர்த்தகர்கள் தெரிவிக்கின்றனர்.