தலவாக்கலையில் ஆணின் சடலம் மீட்பு

ஆ.ரமேஸ், எஸ்.கௌசி, எஸ்.சுஜிதா, எஸ்.கணேசன்,  எஸ்.சதிஸ்

தலவாக்கலை ரயில் நிலையத்துக்கு அருகிலிருந்து, சுமார் 70 வயது மதிக்கத்தக்க ஆணொருவரின் சடலத்தை, தலவாக்கலை பொலிஸார், இன்று (27) காலை மீட்டுள்ளனர்.

மேற்படி பகுதியில் சடலமொன்று கிடப்பதாக,  பொலிஸாருக்கு வழங்கப்பட்டத் தகவலையடுத்தே, சடலம் மீட்கப்பட்டுள்ளது.

சடலமாக மீட்கப்பட்டவரின் நெத்தியில் காயங்கள் காணப்படுவதாகத் தெரிவித்த பொலிஸார், பிரேதப் பரிசோதனைக்காக நுவரெலியா மாவட்ட வைத்தியசாலையின் பிரேத அறையில், சடலம் வைக்கப்பட்டுள்ளதாகவும் தெரிவித்தனர்.

உயிரிழந்தவரின் பெயர் விவரங்கள் தெரியவில்லை என்றும் இது தொடர்பில், மேலதிக விசாரணைகளை மேற்கொண்டு வருவதாகவும், பொலிஸார் தெரிவித்தனர்.