தவிசாளர் ராமேஸ்வரன்: உ/தவுக்கு கடும் போட்டி

இலங்கை தொழிலாளர் காங்கிரஸூக்கு புதிய தலைவரை நியமிப்பதற்கான, தேசிய சபை, கொட்டகலையில் தற்போது கூடியுள்ளது.

புதிய தலைவராக செந்தில் தொண்டமான் நியமிக்கப்படலாம் என தகவல்கள் தெரிவித்திருந்தன.

இந்நிலையில், காங்கிரஸூக்கு   தவிசாளர் ஒருவரை நியமிக்கவும் தீர்மானிக்கப்பட்டுள்ளது. இது புதிய பதவியாகும். அந்தப் பதவிக்கு பாராளுமன்ற உறுப்பினர் எம். ராமேஸ்வரன் நியமிக்கப்படலாம் என உள்வீட்டுத் தகவல்கள் தெரிவிக்கின்றன.

இந்நிலையில், உப தலைவர் பதவிக்கு கடும் போட்டி நிலவக்கூடுமென, உள்வீட்டுத் தகவல்கள் மேலும் தெரிவிக்கின்றன.