தொண்டமான் தொழிற்பயிற்சி நிலையத்தில் விழாக்கள்

எஸ். சதீஸ்

தொண்டமான் தொழிற்பயிற்சி நிலையத்தில் புதிய பயிலுனர்களை  இணைத்துக் கொள்ளும் நிகழ்வும், D.P. Education  நிறுவனத்தின் கணினி பிரிவைத் திறப்பு  விழாவும்   புதன்கிழமை (23)   நடைபெற்றது.

இந்நிகழ்வில் பெருந்தோட்டம் மற்றும் உட்கட்டமைப்பு பிரதி  அமைச்சர்  சுந்தரலிங்கம்  பிரதீப்,  தோட்ட உட்கட்டமைப்பு அமைச்சின் பிரத்தியேக செயலாளர் கலாநிதி சிவப்பிரகாசம், தொண்டமான் தொழிற்பயிற்சி நிலையத்தின் முகாமையாளர் கேப்ரியல், D.P. Education  நிறுவனத்தின்  முகாமையாளர்  மற்றும்  தொண்டமான்  தொழிற்பயிற்சி நிலையத்தின்  பணிப்பாளர், W.D.G.அமில இந்திக்க,  மாணவர்கள்,  பெற்றோர்கள்  உள்ளிட்ட  பலரும்  கலந்து கொண்டனர்.

இந்த நிகழ்வின் முக்கிய அம்சமாக, ரூ. 25 இலட்சம்  செலவில்  உருவாக்கப்பட்ட  D.P.  Education  கணினிப்  பிரிவை பிரதி  அமைச்சர்  சுந்தரலிங்கம் பிரதீப்  நாடாவை  வெட்டி  திறந்து  வைத்தார்.

 இதன் மூலம் மாணவர்களுக்கு நவீன தகவல் தொழில்நுட்ப பயிற்சிகளை வழங்கும் முயற்சி மேற்கொள்ளப்பட உள்ளது .

2025ம் ஆண்டுக்காக 125 புதிய மாணவர்கள் உள்வாங்கப்பட்டுள்ள துடன் உள்வாங்கப்பட்ட மாணவர்களுக்கு மின்சார , வாகனங்கள் திருத்தல் தொடர்பான பயிற்சி, மேசன்,போன்ற பயிற்சிகள் வழங்கப்பட உள்ளமை குறிப்பிடத்தக்கது.