தொண்டர் ஆசிரியர்களுக்கு நிரந்தர நியமனம் வழங்கவும்

ஏ.ஏ.எம்.பாயிஸ்

பெருந்தோட்ட தமிழ்மொழி மூலப் பாடசாலைகளில், தொண்டர் ஆசிரியர்களாகக் கடமையாற்றுவோருக்கு நிரந்தர நியமனம் வழங்குமாறு, பாடசாலைகளின் அதிபர்கள் கோரிக்கை விடுத்துள்ளனர்.

மலையகப் பாடசாலைகளுக்கு, அண்மித்தக் காலங்களில் ஆசிரியர் நியமனங்கள் வழங்கப்பட்டாலும் பல ஆசிரியர்கள், ஆசிரியர் கலாசாலைகளுக்கும் தமது சொந்த ஊர்களுக்குமென இடமாற்றம் பெற்றுச் சென்றுள்ளதால், பாடசாலைகளில் மீண்டும் ஆசிரியர் பற்றாக்குறை ஏற்பட்டுள்ளது.

ஆசிரியர் நியமனம் வழங்கப்பட்டும்கூட பல பாடசாலைகளில் தொண்டர் ஆசிரியர்களின் பணியும் தொடர்கிறது. 

இவ்வாறு தொண்டர் ஆசிரியர்களாக பணியாற்றுபவர்களின் மதிப்பளித்து அவர்களுக்கு நிரந்தர நியமனம் வழங்குமாறு, பாடசாலைகளின் அதிபர்கள் கோரிக்கை விடுத்துள்ளனர்.