நானுஓயா விபத்தில் உயிரிழந்த குடும்பத்தினருக்கு நிதியுதவி

டி சந்ரு 

ஜனவரி 20ஆம் திகதி நானுஓயா - ரதெல்ல பகுதியில் இடம்பெற்ற வாகன விபத்தில் ஏழு பேர் உயிரிழந்ததுடன் 53 பேர் படுகாயமடைந்திருந்தனர். 

இதில் உயிரிழந்த  குடும்பத்தினருக்கு கொழும்பு தர்ஸ்டன் கல்லூரியில் அதிபரின் வேண்டுகோளுக்கு இணங்க ஆசிரியர்கள் மாணவர்களிடம் சேர்க்கப்பட்ட 14 இலட்சம் நிதி உதவி இன்று வழங்கப்பட்டது .

இதில்  உயிரிழந்த ஒவ்வொரு  குடும்பத்தினருக்கு இரண்டு இலட்சம் ரூபாய் வழங்கினர் .

வைத்தியசாலையில் அதிதீவிர சிகிச்சை பிரிவில் சிகிச்சை பெற்றுவரும் சிறுமியின் வங்கி கணக்கில் கல்லூரியில் காப்புறுதி திட்டம் ஊடாக 8 இலட்சம் ரூபாய் வைப்பிலிடப்பட்டது.

இறந்தவர்களின் திதி கொடுப்பதற்கான செலவினையும் கல்லூரி ஏற்றுக்கொண்டமை குறிப்பிடத்தக்கது .