பொகவந்தலாவையில் 11 பேருக்கு தொற்று; ஒருவர் மரணம்

எம்.கிருஸ்ணா

பொகவந்தலாவை பொது சுகாதார பிரிவுக்கு உட்பட்ட பகுதிகளில் 11 பேருக்கு, கொரோனா வைரஸ் தொற்று உறுதிப்படுத்தப்பட்டுள்ள நிலையில், ஒருவர் தொற்றினால் மரணமடைந்துள்ளார்.

டிக்கோயா பிலிங்பொனி, பொகவந்தலாவை, பொகவானை ஆகியே தோட்டப் பகுதிகளிலேயே 11 பேர் இனங்காணப்பட்டுள்ளனர்.

தொற்றாளர்களாக இனங்காணப்பட்ட 11 பேரும் பிலிங்பொனி பகுதியிலள்ள தனியார் தொழிற்சாலையில் பணியாற்றி வருபவர்கள் என்று, பொதுசுகாதார பரிசோதகர்கள் தெரிவித்தனர்.

புளியாவத்தை தோட்டத்தைச் சேர்ந்த நபரொருவரே, கொரோனா தொற்றினால் மரணமடைந்துள்ளதுடன், இவரது உடல், சுகாதார விதிமுறைகளுக்கு அமைவாக நோர்வுட் தகனசாலையில்  நேற்று (11) தகனம் செய்யப்பட்டுள்ளது.

இதேவேளை  நோர்வூட் பொலிஸ் நிலைய உத்தியோகத்தர் ஒருவர் 14 நாட்களுக்கு தனிமைப்படுத்தப்பட்டுள்ளார்.