மரக்கறிகளின் சில்லறை விற்பனை விலை அதிகரிப்பு

ரஞ்சித் ராஜபக்‌ஷ

உள்ளுர் சந்தையில் மரக்கறிகளின் மொத்த விலை கணிசமான அளவு வீழ்ச்சியடைந்துள்ள போதிலும், மொத்த விற்பனை நிலையங்களில் இருந்து மரக்கறிகளை கொண்டு சென்று சில்லறை விலைக்கு விற்பனை செய்யும் போது குறைந்த விலையில் நுகர்வோருக்கு விற்பனை செய்ய முடியாத நிலை ஏற்பட்டுள்ளதென,  ஹட்டன் பிரதேச மரக்கறி விற்பனையாளர்கள் தெரிவிக்கின்றனர்.

தம்புள்ளை மற்றும் கெப்பட்டிபொல  ஆகிய பொருளாதார மையங்களில் இருந்து மரக்கறிகளை கொண்டு செல்வதற்கு அதிக பணம் செலவாகும் என்பதுடன்,  இவ்வாறு மரக்கறிகளை கொண்டு சென்று தமது வர்த்தக நிலையங்களில் இறக்கும் போது இறக்குபவர்களுக்கு அதிகம் பணம் செலுத்த வேண்டி ஏற்படுவதாகத் தெரிவிக்கின்றனர்.

இதனால் குறைந்த சில்லறை விலையில் நுகர்வோருக்கு விற்க முடியாதிருப்பதாகத் தெரிவிக்கின்றனர்.