மஸ்கெலியா மைதான புனரமைப்புப் பணிகள் ஆரம்பம்

 செ.தி.பெருமாள்

மஸ்கெலியா பொது விளையாட்டு மைதானத்தை நவீன வசதிகளுடன் அபிவிருத்தி செய்யும் பணிகள் இன்று (16) காலை 10:30 மணியளவில் உத்தியோகபூர்வமாக ஆரம்பித்து வைக்கப்பட்டன.

மஸ்கெலியா பிரதேச சபையின் தவிசாளர் கந்தையா இராஜ்குமார் தலைமையில் நடைபெற்ற இந்நிகழ்வில், கனேடிய உள்ளூராட்சி மன்றங்களின் சம்மேளனம் (FCM) வழங்கிய 1 கோடியே 40 இலட்சம் (14 மில்லியன்) ரூபாய் நிதியுதவியுடன் இப்பணிகள் முன்னெடுக்கப்படவுள்ளன.

  இந்நிகழ்வில் கனேடிய உள்ளூராட்சி மன்றத் சம்மேளனத்தின் சிரேஷ்ட திட்ட முகாமையாளர் பி. பிரதீப், திட்ட ஒருங்கிணைப்பாளர் சாந்தனி ராமநாயக்க, மதிப்பீட்டு உத்தியோகத்தர் கோவிந்தராஜ் டில்ஷான் மற்றும் நிகழ்ச்சி திட்ட அமைப்பாளர் லசிந்து பண்டார ஆகியோர் கலந்துகொண்டனர்.

மேலும், மஸ்கெலியா பிரதேச சபையின் உப தவிசாளர் பரமசிவம் ராஜ் அசோக், செயலாளர் எஸ். ராஜவீரன், சபை உறுப்பினர்கள், மஸ்கெலியா பொலிஸ் நிலைய பொறுப்பதிகாரி ஏ. புஷ்பகுமார, பொது சுகாதார உத்தியோகத்தர் எம்.எச். ஈர்ஷாட், வர்த்தகர்கள் எனப் பலரும் கலந்துகொண்டு சிறப்பித்தனர்.

அபிவிருத்தித் திட்டத்தின் சிறப்பம்சங்கள்: அடுத்த மூன்று மாத காலத்திற்குள் நிறைவு செய்யப்படவுள்ள இந்தத் திட்டத்தின் கீழ் பின்வரும் வசதிகள் ஏற்படுத்தப்படவுள்ளன:

• நடைப்பயிற்சி வீதி: நவீன முறையில் வடிவமைக்கப்பட்ட நடைபாதை.