மின் வேலியில் சிக்குண்டு இரண்டு பிள்ளைகளின் தந்தை பலி

நவி

கம்பளை மில்லகாமுல - கித்துல்வத்த பிரதேசத்தில், மின்சார வேலியில் சிக்குண்டு இரண்டு பிள்ளைகளின் தந்தை (வயது 42) ஒருவர்  பரிதாபகரமாக இன்று(12) உயிரிழந்துள்ளார்.

குறித்தத் தோட்டத்திலுள்ள பாக்குமரமொன்றில் பாக்குகளைப்  பறிப்பதற்காகச் சென்றபோதே, அவர் மின்சாரத் தாக்குதலுக்கு இலக்காகியுள்ளார்.

காட்டு விலங்குகளை வேட்டையாடுவதற்காக, சட்டவிரோத மின்சார வேலி போடப்பட்டிருந்ததாக, பிரதேச மக்கள் தெரிவிக்கின்றனர்.

பிரேதப் பரிசோதனைக்காக, கம்பளை வைத்தியசாலையின் பிரேத அறையில் சடலம் வைக்கப்பட்டுள்ளது.

இது தொடர்பில் கம்பளை பொலிஸார் மேலதிக விசாரணைகளை மேற்கொண்டு வருகின்றனர்.