ஸ்கார் தோட்டத்துக்கு பஸ் தரிப்பிட கோரிக்கை

நீலமேகம் பிரசாந்த்

நுவரெலியா பிரதேச சபைக்குட்பட்ட ஸ்கார் தோட்டத்தை ஊடறுத்துச் செல்லும் பிரதான வீதியில், பஸ் தரிப்பிடம் ஒன்று அமைக்கப்படல் வேண்டும் என, ஸ்கிராப் தோட்ட மக்கள் கோரிக்கை விடுத்துள்ளனர்.

நாளாந்தம் நானுஓயா, தலவாக்கலை, ஹட்டன், அம்பேவெல, டயகம, மீபிலிமான, நாவலப்பிட்டி, மெராயா போன்ற நகரங்களுக்கு செல்லும் மக்களுக்கு, பஸ் தரிப்பிடம் ஒன்று இன்மையால், பல்வேறு அசௌகரியங்களுக்கு முகங்கொடுத்து வருவகின்றனர்.

அதிக மழையுடனான வானிலை நிலவும்போதோ அதிக வெயில் காலங்களிலோ, பஸ்ஸுக்காக காத்திருப்போர், ​திறந்த வெளியிலேயே நின்றுகொண்டிருப்பதாகவும் என, பஸ் தரிப்பிடமொன்றை அமைக்க, உரிய அதிகாரிகள் முன்வரவேண்டும் என்று, பொதுமக்கள் கோரிக்கை விடுத்துள்ளனர்.