ஹட்டனில் மாணவர்களின் பாதுகாப்புக்காக விசேட ஏற்பாடுகள்

சுதத்.எச்.எம்.ஹேவா

தற்போது நாடு முழுவதும் நடைபெற்று வரும் 2021ஆம் ஆண்டுக்கான உயர்தரப் பரீட்சை, நாளை மறுதினத்துடன் நிறைவடைவதால்  அன்றைய தினம் பாடசாலை மாணவர்களின் பாதுகாப்பை உறுதிப்படுத்துவதற்காக ஹட்டன் பொலிஸ் பிரிவுக்குள் விசேட பாதுகாப்பு திட்டங்களை செயற்படுத்த நடவடிக்கை எடுத்துள்ளதாக ஹட்டன் சிரேஸ்ட பொலிஸ் அதிகாரி விஜிதத அல்விஸ் தெரிவித்துள்ளார்.

குறித்த பாதுகாப்பு திட்டங்கள் சகல பாடசாலை பரீட்சை மத்திய நிலையங்க​ளை அண்மித்த பகுதிகள் மற்றும் நகரங்களில் முன்னெடுக்கப்படவுள்ளன என்றார்.

அத்துடன் பரீட்சை நிறைவடைந்ததும் அனைத்து மாணவர்களையும் விரைவாக தத்தமது வீடுகளுக்கு அனுப்பும் நடவடிக்கையும் முன்னெடுக்கப்படும் என்றார்.