ஹட்டன் நுவரெலியா பிரதான வீதியில் விபத்து

ஹட்டன் நுவரெலியா பிரதான வீதியில் லொறியொன்று சுரங்கப்பாதையில் மோதுண்டு விபத்துக்குள்ளாகியுள்ளது.

தலவாக்கலையிலிருந்து அகரபத்தன நோக்கி சென்று கொண்டிருந்த லொறியொன்றே இவ்வாறு விபத்துக்குள்ளாகியுள்ளது.

இன்று (20) அதிகாலை 4 மணியளவில் இடம்பெற்ற இந்த விபத்தில் லொறியின் சாரதிக்கு காயம் ஏற்படவில்லையென பொலிஸார் தெரிவித்துள்ளனர்.

மேலும் குறித்த பகுதியில் ​​மண்மேடுகள் சரிந்துவிழும் அபாயம் காணப்படுவதால் வாகன சாரதிகள் அவதானத்துடன் வாகனங்களை செலுத்துமாறு ஹட்டன் பொலிஸார் வேண்டுகோள் விடுத்துள்ளமை குறிப்பிடத்தக்கது.    M 

ரஞ்சித் ராஜபக்ஷ