பதில் உப-தபால் அதிபர்களுக்கு நிரந்தர நியமனம்

-மொஹொமட் ஆஸிக்

அரசாங்கத்தின் நூறு நாட்கள் வேலைத் திட்டத்தின் கீழ், நாட்டிலுள்ள உப தபால் நிலையங்களில் பல வருடங்களாக பதில்
உப -தபால் அதிபர்களாகப் பதவி வகித்து வந்த 720 பேரையும் நிரந்தரமாக்கும் திட்டம் ஒன்றை  தபால் மற்றும் முஸ்லிம் சமய விவகார அமைச்சு நடைமுறைப்படுத்தி வருகின்றது.

முதற்கட்டமாக கண்டி மாவட்டத்தைச் சேர்ந்த பதில் உப தபால் அதிபர்களுக்கான நியமனக் கடிதங்கள்; வழங்கும் நிகழ்வு ஞாயிற்றுக்கிழமை (19) கண்டி தபால் கேட்போர் கூடத்தில் இடம்பெற்றது.

தபால் துறை மற்றும் முஸ்லிம் சமய விவகார அமைச்சர் எம்.எச்.ஏ.ஹலீம், தலமையில் இடம்பெற்ற இந்நிகழ்வில், பெருந்தோட்டக் கைத்தொழில் அமைச்சர் லகஷ்மன் கிரியெல்ல பிரதம அதிதியாக கலந்துகொண்டார்.