இரத்தினபுரி மாநகர சபை உறுப்பினராக கமகே சத்தியப்பிரமாணம்

சிவாணி ஸ்ரீ

சப்ரகமுவ மாகாண ஆளுநர் மார்ஷல் பெரேரா முன்னிலையில், இரத்தினபுரி மாநகர சபை உறுப்பினராக ஹேமந்த கமகே இன்று (21) சத்தியப்பிரமாணம் செய்து கொண்டார்.

இரத்தினபுரி மாநகர சபையின் முதல்வர் கபில் அபேரத்னவின் மறைவின் பின்னர், அன்னாரின் வெற்றிடத்திற்கு ஹேமந்த கமகே நியமிக்கப்பட்டுள்ளார்.

இந்நிகழ்வில் சப்ரகமுவ மாகாண சபை தலைவர் கஞ்சன ஜயரத்ன, மாகாண சபை உறுப்பினர் பிரபாத் மஹேஸ்த அல்விஸ், இரத்தினபுரி மாநகர சபை முதல்வர் நிலந்த ரொஷான், மாநகர சபை உறுப்பினர்களான கபில குணவர்தன, டிரோன் அத்தநாயக, உட்பட பலர் கலந்துகொண்டனர்.