பசறையில் வாக்காளர் அட்டைகள் மாயம்

எம்.செல்வராஜா                

பசறையில்  37 வாக்காளர்களின் வாக்காளர் அட்டைகள் காணாமல் போயுள்ளதாக பசறை, மொரட்டுவௌ உப-அஞ்சல் அலுவலக அதிபர் டீ.எம்.குணவதி மற்றும் அப்பகுதிக்கான தபால் விநியோகஸ்த்தர் எச்.எம்.ரஞ்ஜித் ஆகியோர் பசறை பொலிஸ் நிலையத்தில் செவ்வாய்க்கிழமை (4) முறையிட்டுள்ளனர்.

மேற்படி, உப-அஞ்சல் அலுவலகத்திலிருந்து பசறைக்கு, வாக்காளர் அட்டைகள் விநியோகிக்கும் செயற்பாடு செவ்வாய்க்கிமை (4) ஆரம்பிக்கப்பட்டன.  இந்நிலையிலே, தபால் விநியோகஸ்த்தரின்  பொறுப்பிலிருந்த வாக்காளர் அட்டைகளில் 37அட்டைகள் காணாமல் போயுள்ளதாக முறைப்பாட்டில் தெரிவிக்கப்பட்டுள்ளது.

இதுதொடர்பான மேலதிக விசாரணைகளை பசறை பொலிஸார் மேற்கொண்டு வருகின்றனர்.