புதிய பாதையில் 'வெற்றி'

வெற்றி டி.வி., வெற்றி எப்.எம். ஆகியவற்றின் உரிமையினை 'யுனிவேர்ஸல் நெட்வோர்க்ஸ்' நிறுவனம் கடந்த ஜனவரி முதலாம் திகதி தொடக்கம் பொறுப்பெடுத்திருக்கிறது. யுனிவேர்ஸல் நெட்வோர்க்ஸ் நிறுவனத்தின் தலைவராக விநாயகமூர்த்தி ஜனகன் இருக்கின்றார். வெற்றி டி.வி., வெற்றி எப்.எம். ஆகியவற்றின் நிகழ்ச்சி முகாமையாளராக ஏ.ஆர்.வி.லோஷன் இருக்கின்றார்.

இவர்களின் கூட்டு முயற்சியில் புதிய பரிணாமம் எடுத்திருக்கும் வெற்றி நிறுவனத்தினருக்கும் இலங்கையின் அச்சு ஊடகத்தினருக்குமிடையிலான சந்திப்பொன்று நேற்று வெள்ளிக்கிழமை இரவு கல்சிசையில் நடைபெற்றது. இலத்திரனியல் ஊடகமென்று தனித்திருக்காமல் அச்சு ஊடகத்தினரின் ஆலோசனைகளையும் உள்வாங்கி புதிய பாதையில் பயணிக்கவிருப்பதாக யுனிவேர்ஸல் நெட்வோர்க்ஸ் நிறுவனத்தின் தலைவர் ஜனகன் குறிப்பிட்டார்.

வெகுவிரைவில் முழு வீச்சுடன் 'வெற்றி' – ஊடகத்துறையில் வெற்றிக்கொடி நாட்டுமென லோஷன் குறிப்பிட்டார். வெற்றி நிறுவனத்தினரின் முக்கிய அங்கத்தவர்களையும் அச்சு ஊடகத்துறையின் முக்கியஸ்தர்களையும் படங்களில் காணலாம். Pix: Samantha Perera