திஹாரி முஸ்லிம்களின் வாக்குகள் இம்முறை ஐ.தே.கவுக்கே : ஐ.தே.க. அமைப்பாளர்

(அதீம் ஸுபைர்)

நடைபெறவுள்ள அத்தனகல்ல பிரதேச சபை தேர்தலில் இம்முறை திஹாரிய முஸ்லிம்களின் அதிகமான வாக்குகள் ஐக்கிய தேசிய கட்சிக்கே கிடைக்கும் என அத்தனகல்ல ஐ.தே.க. அமைப்பாளர் சந்ரசோம சரணலால் தெரிவித்தார்.

நேற்று திஹாரியில் வேட்;பாளர் மொஹமட் அஷ்ரப்பை ஆதரித்து இடம்பெற்ற ஐ.தே.க தேர்தல் பிரசாரத்தில் கலந்துகொண்டு உரையாற்றும் போதே அவர் மேற்கண்டவாறு குறிப்பிட்டார்.

கடந்த தேர்தல்களில் திஹாரிய முஸ்லிம்களின் வாக்குகள் அதிகமாக ஸ்ரீ லங்கா முஸ்லிம் காங்கிரஸிற்கே கிடைத்தது. ஆனால் இம்முறை அதன் வேட்புமனு நிராகரிக்கப்பட்டதனால் ஐ.தே.கட்சிக்கே அனைத்து வாக்குகளும் கிடைக்கும் என தெரிவித்தார்.

இக்கூட்டத்தில் ஐ.தே.கட்சியின் சிரேஷ்ட உப தலைவரான நாடாளுமன்ற உறுப்பினர் ஜோஸப் மைக்கல் பெரேரா, மத்திய மாகாண சபை ஐ.தே.கட்சி உறுப்பினர் சாந்தினி கோன்கஹகே உட்பட பலர் கலந்து கொண்டனர்.