மேல் மாகாண அமைச்சர் நிமல்லான்சாவுக்கு எதிராக முறைப்பாடு

Sudharshini / 2015 ஜனவரி 17 , பி.ப. 12:53 - 0 - {{hitsCtrl.values.hits}}

மேல் மாகாண அமைச்சர் நிமல்லான்சாவுக்கு எதிராக மேல் மாகாண சபையின் ஐக்கிய தேசியக் கட்சி உறுப்பினரும் நீர்கொழும்பு பிரதான அமைப்பாளருமான ரொயிஸ் பெர்னாந்து மற்றும் மாநகர சபையின் ஐக்கிய தேசியக் கட்சி உறுப்பினர்கள நீர்கொழும்பு பொலிஸ் நிலையத்தில் இன்று முற்பகல் முறைப்பாடு செய்தனர்.

நீர்கொழும்பு மாநகர சபை எல்லைக்குட்பட்ட பிரதேசங்களில் உள்ள மக்கள் சொத்துக்களை மேல் மாகாண அமைச்சர் நிமல்லான்சாவும் அவரது குடும்பத்தவர்களும் முறையற்ற விதத்தில் பயன்படுத்தியதாக குற்றச்சாட்டு தெரிவித்தே சிறு குற்றவியல் பிரிவில் இந்த முறைப்பாடு செய்யப்பட்டுள்ளது.

நீர்கொழும்பு கடற்கரைப் பூங்கா, புதிதாக நிர்மாணிக்கப்பட்டுள்ள காமச்சோடை திவிநெகும வாரச் சந்தை , கொட்டுவை மைதானம் அருகில் உள்ள மீன் விற்பனைச் சந்தை ஆகியன தொடர்பாகவே குறிப்பாக இந்த முறைப்பாட்டில் குறிப்பிடப்பட்டுள்ளது.

இது தொடர்பாக மேல் மாகாண சபை உறுப்பினர் ரொயிஸ் பெர்னாந்து தெரிவிக்கையில்,

நீர்கொழும்பு கடற்கரைப் பூங்காவில் மலசல கூடம் மற்றும் வாகன தரிப்பிடம் என்பவற்றுக்கே விலை மனுக்கள் கோரப்பட்டிருந்தன. வேறு நபர்களின் பெயரில் இந்த விலை மனுக்களை பெற்றுக் கொண்டுள்ள அமைச்சர் நிமல் லான்ஸாவின் தந்தை அந்த கடற்கரைப் பூங்காவில் பல்வேறு வியாபார நடவடிக்கைகளை மேற்கொள்வோரிடம் பெரும் தொகை பணத்தை மாதாந்தம் அறவிட்டு வருகிறார்.

அதே போன்று காமச்சோடை திவிநெகும வாரச் சந்தை , கொட்டுவை மைதானம் அருகில் உள்ள மீன் விற்பனைச் சந்தை ஆகியவற்றிலும் இது போன்று முறையற்ற விடயங்கள் ,டம்பெற்றுள்ளன என்றார்.

இது தொடர்பாக நீர்கொழும்பு மேயர் அன்டனி ஜயவீர தெரிவிக்கையில், நீர்கொழும்பு கடற்கரைப் பூங்காவில் மலசல கூடம் மற்றும் வாகன தரிப்பிடம் என்பவற்றையே மாநகர சபை டென்டர் செய்துள்ளது. இதற்கு மேலதிகமாக அங்கு இடம்பெறும் சகல நடவடிக்கைகளும் சட்டவிரோதமானது என்றார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .