ஆமைகளை இறைச்சியாக்க முற்பட்டவர் கைது

-செந்தூரன் பிரதீபன், என்.ராஜ்

கொழும்புத்துறை - வலம்புர பகுதியில் சட்டவிரோதமான முறையில் பிடிக்கப்பட்ட 5 கடல் ஆமைகளை வீட்டில் வைத்திருந்த நபரொருவர் கைது செய்யப்பட்டுள்ளார்.

மீன்பிடி பரிசோதகருக்குக் கிடைக்கப்பெற்ற இரகசிய தகவலுக்கமைய, கொழும்புத்துறை பகுதியில் உள்ள வீடு ஒன்று சுற்றிவளைக்கப்பட்டது. இதன்போது இறைச்சிக்காக தயார் நிலையில் வைக்கப்பட்டிருந்த ஐந்து கடல் ஆமைகளும் கைப்பற்றப்பட்டுள்ளன.

கைது செய்யப்பட்ட நபரை யாழ்ப்பாணம் நீதவான் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது.