கஞ்சாவுடன் ஒருவர் கைது

-எஸ்.நிதர்ஷன்

யாழ்ப்பாணம் - சிறிதர் தியட்டருக்கு அண்மையில் ஒன்றரை கிலோ கேரள கஞ்சாவுடன் குருநகரை சேர்ந்த 30 வயதுடைய நபர் ஒருவரை, நேற்று மாலை, விசேட அதிரடிப்படையினர் கைது செய்துள்ளனர்.

விசேட அதிரடிப்படையினருக்கு கிடைக்கப்பெற்ற இரகசிய தகவலையடுத்து மேற்கொண்ட தேடுதல் வேட்டையிலேயே, குறித்த நபர் கைதுசெய்யப்பட்டுள்ளார்.

கைது செய்யப்பட்டவரை யாழ்ப்பாணம் பொலிஸாரிடம் ஒப்படைக்கப்பட்டுள்ளார். மேலதிக விசாரணைகளை யாழ்ப்பாணம் பொலிஸார் மேற்கொண்டு வருகின்றனர்.