நடமாடியோருக்கு அன்டிஜன் பரிசோதனை

-என்.ராஜ்

தற்போது அமுலில் உள்ள தனிமைப்படுத்தல் ஊரடங்குச் சட்டக் காலத்தில், யாழ்ப்பாணம் நகரில் நடமாடியோருக்கு, யாழ்ப்பாணம் மாநகரசபையின் பொது சுகாதாரப் பிரிவினரால் அன்டிஜன் பரிசோதனை மேற்கொள்ளப்படும் நடவடிக்கை ஆரம்பிக்கப்பட்டுள்ளது.

இன்று (22) முதல், இந்த நடவடிக்கை ஆரம்பிக்கப்பட்டுள்ளது.

யாழ்ப்பாணப் பிரதேச செயலாளர், யாழ்ப்பாணம் மாநகர சபையின் பொது சுகாதாரப் பிரிவினர், பொலிஸ் மற்றும் இராணுவத்தினர் ஆகியோர் இணைந்து, நகரப்பகுதியில் பயணிப்போரை வழிமறித்து, அவர்களுக்கு அன்டிஜன் பரிசோதனையை முன்னெடுக்கின்றனர்.