நாகர்கோவில் கடற்கரையில 96 கிலோ கேரள கஞ்சா மீட்பு

-எம்.றொசாந்த்

வடமராட்சி கிழக்கு - நாகர்கோவில் கடற்கரையில், இன்று (07) காலை, 96 கிலோகிராம் கேரள கஞ்சா, கடற்படையினரால் மீட்கப்பட்டுள்ளது.

நாகர்கோயில் கடற்கரையில், கடற்படையினரால் முன்னெடுக்கப்பட்ட சிறப்பு கள ரோந்துப் பணியின் போதே, கரையோரத்துக்கு அருகில் இருந்து, 3 சாக்குகளில் 96 கிலோகிராம் கேரள கஞ்சா கண்டெடுக்கப்பட்டது.

கடத்தல்காரர்களால் அவை கைவிடப்பட்டிருக்கலாம் என்று சந்தேகிக்கப்படுகிறது.

மீட்கப்பட்ட கேரள கஞ்சா, கடற்படையின் மேற்பார்வையில், வடக்கு கடற்படைத் தளத்தில் வைத்து அழிக்கப்பட்டது.