நீதிமன்ற உத்தரவின் பேரில் பால் உற்பத்தி பொருள்கள் அ​ழிப்பு

-எம்.றொசாந்த்

உரிய வெப்பநிலையின்றி களஞ்சியப்படுத்தி, வாகனத்தில் கொண்டுவரப்பட்ட சுமார் 1 இலட்சம் ரூபாய் பெறுமதியான பால் உற்பத்தி பொருள்கள், ஊர்காவற்றுறை நீதவான் நீதிமன்ற உத்தரவின் பேரில் அழிக்கப்பட்டன.

காரைநகர் பகுதியில், உரிய வெப்பநிலையின்றி கொண்டுவரப்பட்ட பால் உற்பத்தி பொருள்கள், அப்பகுதி பொது சுகாதாரப் பரிசோதகர்களால் கைப்பற்றப்பட்டு, சம்பந்த்ப்பட்டோருக்கு எதிராக வழக்குத் தாக்கல் செய்யப்பட்டது.

இந்நிலையில், குறித்த வழக்கு, வியாழக்கிழமை (12) ஊர்காவற்றுறை நீதவான் நீதிமன்றத்தில் விசாரணைக்கு எடுத்துக்கொள்ளப்பட்ட போது, குற்றவாளிக்கு 15 ஆயிரம் ரூபாய் தண்டப்பணம் விதித்த நீதவான், கைப்பற்றப்பட்ட பால் உற்பத்தி பொருள்களை அழிக்குடாறும் உத்தரவிட்டார்.