புத்தர் சிலை உடைப்பு; மது போதையில் இளைஞன் கைது

எம்.றொசாந்த்

யாழ்ப்பாணம், காங்கேசன்துறை பொலிஸ் பிரிவுக்குட்பட்ட கீரிமலை, நல்லிணக்க புரம் பகுதிக்கு அண்மையில் புத்தர் சிலையை உடைத்த குற்றச்சாட்டில் இளைஞன் ஒருவர், நேற்று (02) கைது செய்யப்பட்டுள்ளார்.  

கைதுசெய்யப்பட்ட இளைஞன், அப்பகுதியில் இருந்த புத்தர் சிலையை உடைத்ததுடன், அப்பகுதியில் காணப்பட்ட பழைய இரும்புகளையும் சேகரித்துள்ளார் எனக் குற்றஞ்சாட்டப்பட்டுள்ளது.

இது தொடர்பில் அறிந்த கொண்ட காங்கேசன்துறை பொலிஸார் மற்றும் இராணுவத்தினர் அப்பகுதிக்கு விரைந்து, இளைஞனைக் கைது செய்துள்ளனர்.

இளைஞன், காங்கேசன்துறை பொலிஸ் நிலையத்தில் தடுத்து வைக்கப்பட்டு விசாரணைக்கு உட்படுத்தப்பட்டு வருகின்றார்.

இளைஞன் மது போதையில் காணப்படுவதால் மேலதிக விசாரணைகளை முன்னெடுக்க முடியவில்லை என காங்கேசன்துறை பொலிஸார் தெரிவித்தமை குறிப்பிடத்தக்கது.