போதைப்பொருட்களுடன் மூவர் கைது

ஹெரோயின், கஞ்சா ஆகிய போதைபொருட்களை உடமையில் வைத்திருந்த மூவரை நேற்று (09) கைது செய்துள்ளதாக மானிப்பாய் பொலிஸார் தெரிவித்தனர்.

யாழ்.மானிப்பாய் பிப்பிலி மயான பகுதியில் நேற்று (09) மாலை மானிப்பாய் பொலிஸார் வீதி சோதனை நடவடிக்கையில் ஈடுபட்டிருந்த போது, இருவரின் உடமையில் இருந்து 550 மில்லிகிராம் ஹெரோயின் போதை பொருளும், மற்றொருவரின் உடமையில் இருந்து 50 கிராம் கஞ்சாவையும் மீட்டுள்ளனர்.

கைதான மூவரும் மானிப்பாய் பகுதியை சேர்ந்தவர்கள் எனவும், மேலதிக விசாரணைகளின் பின்னர் நீதிமன்றில் முற்படுத்த நடவடிக்கை எடுத்துள்ளதாகவும் மானிப்பாய் பொலிஸார் தெரிவித்தனர்.