யாழில் தொற்றாளர்களின் எண்ணிக்கை 4,919ஆக அதிகரிப்பு

-எஸ்.நிதர்ஷன்

யாழ்ப்பாணம் மாவட்டத்தில், கொரோனா தொற்றாளர்களின் எண்ணிக்கை 4,919ஆக அதிகரித்துள்தாக, யாழ். மாவட்டச் செயலாளர் கணபதிப்பிள்ளை மகேசன் தெரிவித்தார்.

யாழ். மாவட்டச் செயலகத்தில், நேற்று (23) நடைபெற்ற ஊடகவியலாளர் சந்திப்பின் போதே, அவர் இவ்வாறு தெரிவித்தார்.

அங்கு தொடர்ந்துரைத்த அவர், யாழ். மாவட்டத்தில், இதுவரை சுமார் 3,696 பேர் குணமடைந்து வீடு திரும்பியுள்ளதாகவும் 72 பேர் கொரோனா தொற்றால் உயிரிழந்துள்ளனரெனவும் கூறினார்.

தற்போது, யாழ். மாவட்டத்தில். உடுவில் மற்றும் சண்டிலிப்பாய் பிரதேச செயலாளர் பிரிவுகளில் இரண்டு கிராமங்களும் யாழ்ப்பாணம் பொலிஸ் பிரிவின் குருநகர் மேற்கு, ரெக்லமேசன் மேற்கு ஆகிய கிராம சேவகர் பிரிவுகளும் தனிமைப்படுத்தப்பட்டுள்ளமை குறிப்பிடத்தக்கது.