யாழ். நகரில் மக்கள் நடமாட்டம் அதிகரிப்பு

-என்.ராஜ்

தனிமைப்படுத்தல் ஊரடங்கு சட்டம்  அமுல்படுத்தப்பட்டு உள்ள இந்நிலையில், யாழ்ப்பாணம் நகரில் மக்களின் நடமாட்டம் அதிகரித்து காணப்படுகின்றது 

குறிப்பாக, நேற்றைய தினம் (31), யாழ்ப்பாணம் மாவட்டத்தில் 375க்கு மேற்பட்டோர் கொரோனா  தொற்றாளர்களாக  இனங்காணப்பட்டுள்ள நிலையில், அத்தியாவசிய தேவை தவிர்ந்த ஏனையோர் வீடுகளை விட்டு வெளியே வரவேண்டாம் என அறிவுறுத்தப்பட்டுள்ளனர்.

எனினும்,  அவ்வாறான அறிவுறுத்தல்களையும் மீறி, பொதுமக்கள் தற்பொழுது வீதிகளில் வழமை போல, அதாவது, அத்தியாவசிய தேவை தவிர்ந்த ஏனையோரும் வீதிகளில் தற்பொழுது சுதந்திரமாக நடமாடி வருவதை அவதானிக்கக் கூடியதாக உள்ளது.

யாழ்ப்பாணம் மாவட்டத்தில், பயணத் தடை அமுல்படுத்தப்பட்ட நாளிலிருந்து இன்றைய தினம் வரை 2,000   தொற்றாளர்கள் இனங்காணப்பட்டுள்ளனர்.