வடக்கில் மேலும் 14 பேருக்கு கொரோனா

எஸ்.தில்லைநாதன்

கிளிநொச்சியில் ஒரு வயது பெண் குழந்தை, வெளிநாடு செல்ல முற்பட்ட ஒருவர் உட்பட வடக்கில் மேலும் 14 பேருக்கு கொரோனா தொற்று உறுதி செய்யப்பட்டுள்ளது.

யாழ். போதனா வைத்தியசாலை ஆய்வுகூடத்தில்106  பேருக்கு நேற்று (21) மேற்கொள்ளப்பட்ட பரிசோதனையில் இத் தொற்றாளர்கள் அடையாளம் காணப்பட்டனர்.

அதனடிப்படையில், பருத்தித்துறை ஆதார வைத்தியசாலையில் - 06 பேரும் யாழ். போதனா வைத்தியசாலையில் 05 பேரும் கிளிநொச்சி மாவட்ட பொது வைத்தியசாலையில் - 02 பேரும் சாவகச்சேரி ஆதார வைத்தியசாலையில்  ஒருவருமாக வடக்கில் மேலும் 14 பேருக்கு கொரோனா தொற்று உறுதி செய்யப்பட்டுள்ளது.