வாள் வெட்டு: ஒருவர் கைது

- எஸ். நிதர்ஷன்

யாழ்ப்பாணம் - அளவெட்டி, நாகினாவத்தை பகுதியில் வாள்வெட்டு சம்பவங்களுடன் தொடர்புடைய ஒருவர், தெல்லிப்பழை பொலிஸாரால் நேற்று (11) இரவு கைது செய்யப்பட்டுள்ளார்.

யாழ்ப்பாணம், கோப்பாய் பொலிஸ் பிரிவுகளில் பல வாள்வெட்டு சம்பவங்களுடன் தொடர்புடைய நபரே, இவ்வாறு கைது செய்யப்பட்டுள்ளதாக, பொலிஸார் கூறியுள்ளனர்.

கைது செய்யப்பட்ட நபரிடமிருந்து 2 வாள்கள் மற்றும்  சந்தேகநபரால் கொள்ளையிடப்பட்ட இலக்க தகடற்ற இரண்டு மோட்டார் சைக்கிள்கள் என்பன மீட்கப்பட்டுள்ளன.