விவசாய கண்காட்சி – 2011 ஆரம்பம்

(இர்சாத் றஹ்மத்துல்லா)

வட மாகாண விவசாய அமைச்சும் விவசாய திணைக்களமும் இணைந்து ஏற்பாடு செய்துள்ள விவசாய கண்காட்சி - 2011 இன்று யாழ். திருநெல்வேலி விவசாய பயிற்சி நிலைய வளாகத்தில் ஆரம்பித்துவைக்கப்பட்டது.

பாரம்பரிய கைத்தொழில் மற்றும் சிறு தொழில் முயற்சியாண்மை அமைச்சர் டக்ளஸ் தேவானந்தா மற்றும் வட மாகாண ஆளுநர் ஜீ.எ.சந்திரசிறி அகியோர் இந்த கண்காட்சியினை ஆரம்பித்து வைத்தனர்.

ஏதிர்வரும் 10ஆம் திகதி வரை இடம்பெறவுள்ள இந்த கண்காட்சியில் சுமார் 70க்கு மேற்பட்ட அரச, தனியார் விவசாய காட்சி கூடங்கள் ஏற்படுத்தப்பட்டுள்ளன.

அதேவேளை, பாடசாலை மாணவர்கள், விவசாயிகள், பொதுமக்கள் என பெரும் எண்ணிக்கையிலானவர்கள் இன்றைய கண்காட்சியை கண்டு கழித்தாக வட மாகாண விவசாய கால்நடை காணி நீர்ப்பாசன மீன் பிடி அமைச்சின் செயலாளர் யூ.எல்.எம்.ஹால்தீன் தெரிவித்தார்.