‘13ஐ அமுல்படுத்த வேண்டியது இந்தியாவின் தார்மீகக் கடமை’

-எஸ்.நிதர்ஷன்

13ஆவது திருத்தத்தை அமுல்படுத்த வேண்டிய தார்மீகக் கடமை இந்தியாவுக்கு இருப்பதாகத் தெரிவித்த வடக்கு மாகாண சபையின் அவைத் தலைவர் சி.வி.கே.சிவஞானம், அதே நேரம் தமிழ் மக்களின் அபிலாசைகளை நிறைவேற்றக் கூடிய தீர்வொன்றை பெற்றுத் தருவதற்கு, இந்தியா தொடர்ந்தும் உதவ வேண்டுமென்றும் வலியுறுத்தினார்.

இது குறித்து தொடர்ந்துரைத்த அவர், தமிழ் மக்களின் அபிலாசைகளை நிறைவேற்றக் கூடிய சமஷ்டி அடிப்படையிலான தீர்வொன்றையே தாங்கள் கோரி வருவதாகவும் அத்தகையதொரு தீர்வை அடைவதற்கு இந்தியா தொடர்ந்தும் தங்களுக்கு உதவி செய்ய வேண்டுமெனவும் தெரிவித்தார்.

வெளியில் இருக்கின்ற கட்சிகளை ஆரம்பித்தவர்கள் கூட்டமைப்பில் இருந்து சென்றவர்களாக தான் இருக்கின்றனரெனத் தெரிவித்த அவர், ஆகவே அவர்கள் மீள தாய்வீட்டுக்கு வரலாமெனவும் அழைப்பு விடுத்தார்.

அவ்வாறு தாங்கள் கோரவது, தோல்வியின் நிமித்தம் அல்லவெனவும், சிவஞானம் கூறினார்.