டெங்குநோய் காரணமாக உயர்தர வகுப்பு மாணவன் உயிரிழப்பு

(கவிசுகி)

யாழ்ப்பாணத்தில் டெங்குநோய்த் தாக்கம் காரணமாக உயர்தர வகுப்பு மாணவன் ஒருவர் உயிரிழந்துள்ளதாக யாழ். போதனா வைத்தியசாலைப் பணிப்பாளர் பவானி பசுபதிராஜா இன்று செவ்வாய்க்கிழமை தெரிவித்துள்ளார்.

குறித்த மாணவன் டெங்குக் காய்ச்சல் காரணமாக யாழ். போதனா வைத்தியசாலையில் அனுமதிக்கப்பட்டு சிகிச்சை பெற்று வந்த நிலையிலேயே நேற்று திங்கட்கிழமை இரவு உயிரிழந்துள்ளதாகவும் அவர் கூறினார்.

யாழ். இந்துக் கல்லூரியில் உயர்தர கணிதப் பிரிவில் கல்வி பயிலும் அரியாலையைச் சேர்ந்த செல்வராசா ஜனகன் (வயது 18) என்ற மாணவனே உயிரிழந்தவர் ஆவார்.

இவரது சடலம் பிரரேத பரிசோதனைக்காக யாழ். போதனா வைத்தியசாலையில் வைக்கப்பட்டுள்ளது.