ஈழமக்கள் ஜனநாயகக் கட்சி வேட்பாளர்கள் பதவி பொறுப்பேற்ற கடிதங்களை கையளிப்பு

(கிரிசன்)

யாழ். மாவட்டத்தில் கடந்த மாதம்  நடைபெற்ற உள்ளூராட்சிமன்றத் தேர்தலில் வெற்றியடைந்த ஈழமக்கள் ஜனநாயகக் கட்சியின் வேட்பாளர்கள் நேற்று தமது சத்தியக்கடதாசி மற்றும் பதவியைப் பொறுப்பேற்ற கடிதங்களை பிரதேசசபைச் செயலாளர்களிடம் கையளித்துள்ளனர்.

உள்ளூராட்சிமன்றத் தேர்தலில்  வெற்றி பெற்ற உறுப்பினர்களை வரவேற்கும் நிகழ்வுகள் கடந்த வாரம் நடைபெற்றன.
இதேவேளை, ஈழமக்கள் ஜனநாயகக் கட்சி சார்பில் வெற்றி பெற்ற உறுப்பினர்கள் இந்த நிகழ்வுகளில் கலந்து கொள்ளாததுடன் முதல் தடவையாக சபைகள் கூடிய வேளையிலும் கூட கூட்டங்களில் கலந்துகொள்ளாது தவிர்த்து வந்தார்கள்.

உள்ளூராட்சிமன்றங்களின் பிரதிநிதிகளாக தெரிவு செய்யப்பட்டவர்கள் தமது பதவிகளை ஏற்றுக்கொண்டமைக்கான கடிதங்களை சமர்ப்பிக்கும் இறுதி நாள் முடிவடைந்த நிலையிலும் குறிப்பிட்ட உறுப்பினர்கள் சபை நடவடிக்கைகளில் கலந்துகொள்ளாமை குறித்து பொதுமக்களிடத்தில் விமர்சனங்களுக்குள்ளாகிய நிலையில் நேற்று தமது பத்திரங்களை சபைச் செயலாளர்களிடம் கையளித்துள்ளனர்.