வசாவிளானில் வலி. வடக்குப் பிரதேச சபையின் மயிலிட்டி உபஅலுவலகம்

(கிரிசன்)

வலி. வடக்குப் பிரதேசசபையின் மயிலிட்டி உபஅலுவலகம் நேற்று வியாழக்கிழமை முதலாம் திகதி தொடக்கம் வசாவிளான் குட்டியபுலத்தில் அமைந்துள்ள பொதுநூலகக் கட்டிடத்தில் இயங்கத் தொடங்கியுள்ளது.

வசாவிளான் கட்டுவன் மற்றும் மயிலிட்டிப் பிரதேச மக்களின் தேவைகளை பூர்த்தி செய்யும் முகமாக கடந்த காலத்தில் இந்த அலுவலகம் ஆரம்பிக்கப்பட்டது. ஆனாலும் கடந்த காலத்தில் ஏற்பட்ட அரசியல் சூழ்நிலைகள் மற்றும் இடப்பெயர்வுகள் காரணமாக தற்காலிகமாக மல்லாகத்தில் அமைந்துள்ள வலி. வடக்குப் பிரதேச சபையுடன் இணைந்து இவ் உபஅலுவலகம் இயங்கி வந்தது.

வலி. வடக்குப் பிரதேசசபையின் மக்கள் பிரதிநிதிகளின் முதலாவது சபைக் கூட்டத்தில் மயிலிட்டிப் பிரதேச உபஅலுவலகத்தை இடம் மாற்றுவதென தீர்மானிக்கப்பட்டது. தற்போது மக்கள் பகுதி பகுதியாக வசாவிளான் மற்றும் கட்டுவன் பகுதிகளில் குடியேற அனுமதிக்கப்பட்மையால்  மக்களுடைய நன்மை கருதி இவ்உபஅலுவலகம் இடம் மாற்றப்பட்டுள்ளது.