சிறைச்சாலைக்கு உத்தியோகத்தர்களை இணைப்பதற்கான உடற்தகுதி தேர்வு

-எம்.றொசாந்த் 

சிறைச்சாலைக்கு உத்தியோகத்தர்களை புதிதாக இணைத்துக்கொள்வதற்கான உடற்தகுதி தேர்வு, யாழ்ப்பாணத்தில் நடைபெற்று வருகின்றது. 

யாழ்ப்பாணம் இந்துக் கல்லூரி மைதானத்தில் நடைபெற்று வரும் இந்த உடற்தகுதி தெரிவு கடந்த சனிக்கிழமை(28) ஆரம்பமாகியதுடன் நாளை செவ்வாய்க்கிழமை(31) வரையில் இடம்பெறவுள்ளது. 

சிறைச்சாலை உத்தியோகத்தர்களாக இணைந்துகொள்ள வடமாகாணத்தில் 1,150 பேர் விண்ணப்பித்திருந்ததாகவும், அவர்களுக்கான நேர்முகத்தேர்வே யாழ்ப்பாணம் இந்துக் கல்லூரியில் நடைபெறுவதாக உடற்தகுதி தேர்வை நடத்தும் அதிகாரியொருவர் கூறினார்.