இறப்பர் வெடிமருந்து வைத்திருந்த இருவருக்கு விளக்கமறியல்

யாழ்ப்பாணம் நீர்வேலி பகுதியில் தடை செய்யப்பட்ட இறப்பர் வெடிமருந்துகளை வைத்திருந்த இரண்டு சந்தேகநபர்களை மே மாதம் 6ஆம் திகதி வரையில் விளக்கமறியலில் வைக்குமாறு மல்லாகம் நீதவான் நீதிமன்ற நீதவான் கறுப்பையா ஜீவராணி, வியாழக்கிழமை (23) உத்தரவிட்டார்.

பொலிஸாருக்கு கிடைத்த இரகசிய தகவலை அடுத்து அப்பகுதிக்கு செவ்வாய்க்கிழமை (21) சென்ற பொலிஸார், கூலித் தொழிலாளியான சந்தேகநபர்கள் இருவரையும் கைது செய்ததுடன் நான்கு பைகளில் இருந்த 9 கிலோ 416 கிராம் இறப்பர் வெடிமருந்தையும் கைப்பற்றினர்.

சந்தேகநபர்கள், பொலிஸ் விசேட காவலில் வைத்து விசாரணை செய்யப்பட்டு, நீதிமன்றத்தில் ஆஜர்ப்படுத்தப்பட்டனர்.