மதுபோதையில் வாகனம் செலுத்தியவர்களுக்கு அபராதம்

- கி.பகவான்

சாவகச்சேரி பொலிஸ் பிரிவுக்குட்பட்ட பகுதியில் மதுபோதையில் ஆவணங்களின்றி மோட்டார் சைக்கிள் செலுத்திச் சென்ற இருவருக்கு 30 ஆயிரத்து 500 ரூபாய் அபராதம் விதித்து சாவகச்சேரி நீதவான் நீதிமன்ற நீதவான் ஸ்ரீநிதி நந்தசேகரன், செவ்வாய்க்கிழமை (09) தீர்ப்பளித்தார்.

புத்தூர் பகுதியை சேர்ந்தவருக்கு 19 ஆயிரம் ரூபாயும், சாவகச்சேரி பகுதியைச் சேர்ந்தவருக்கு 11,500 ரூபாயும் அபராதம் விதிக்கப்பட்டது.

இவர்களை பொலிஸார் செவ்வாய்க்கிழமை (09) மறித்துச் சோதனை செய்த போது, இவர்கள் மதுபோதையில் இருந்ததுடன் சாரதி அனுமதிப்பத்திரம் உள்ளிட்ட ஆவணங்கள் இருக்கவில்லை.

இவர்களை கைது செய்த பொலிஸார் நீதிமன்றத்தில் ஆஜர்ப்படுத்தினர்.