அதிபர் திடீர் இடமாற்றம்

-ஹிரான் பிரியங்கர ஜயசிங்க

நவகத்தேகம, நவோத்தியா வித்தியாலயத்தின் அதிபர் மேல்கம் பீட்டர் திடீரென இடமாற்றம் செய்யப்பட்டுள்ளதாக வடமேல் மாகாண கல்வியமைச்சர் சந்தியா குமார ராஜபக்ஷ தெரிவித்துள்ளார்.

பாடசாலை ஆசிரியர் ஒருவரை முழங்காலில் நிற்க வைத்த முன்னாள் வடமேல் மாகாணசபை உறுப்பினரான ஆனந்த சரத்குமாரவை, கடந்த 11ஆம் திகதி நடைபெற்ற இல்ல மெய்வல்லுநர் போட்டிகளில் சிறப்பு விருந்தினராக அழைத்தமையுடன், குறித்த போட்டிகளுக்காக நகரிலுள்ள பாதைச் சமிஞ்சைகளை வடமேல் மாகாணசபை உறுப்பினரான ஆனந்த சரத்குமாரவின் அதிகாரத்தைப் பயன்படுத்திக் கட்டுப்படுத்தியமை மற்றும் பாடசாலையில் துருக்கிய வாத்தியக் குழுவை உருவாக்கியமை போன்ற காரணங்களின் அடிப்படையில் ஆசிரிய சங்கத்தினால் வழங்கப்பட்ட முறைப்பாட்டிக்கிணங்கவே இவ்இடமாற்றம் வழங்கப்பட்டுள்ளதாக அறிய முடிகின்றது.