அனுமதிப்பத்திரமின்றி மணல் ஏற்றியவர் கைது; டிரக்டரும் கைப்பற்றப்பட்டது

அனுமதிப்பத்திரம் இன்றி சட்டவிரோதமான முறையில் மணல் ஏற்றிச் சென்ற ஒருவர் கைதுசெய்யப்பட்டுள்ளார் எனவும் டிரக்டர் வண்டியொன்றையும் கைப்பற்றியுள்ளதாகவும் முந்தல் பொலிஸார் தெரிவித்தனர். 

நேற்று முன்தினம் (15) வீதிச் சோதனை நடவடிக்கையில் ஈடுபட்டிருந்த பொலிஸாரே, கஜூவத்தை பிரதேசத்திலிருந்து சட்டவிரோதமான முறையில் மணலை ஏற்றிக் கொண்டு, முந்தல் பிரதேசத்திற்கு வந்த இந்த டிரக்டர் வண்டியைக் கைப்பற்றியுள்ளனர்.

முந்தல் பொலிஸ் நிலைய பொறுப்பதிகாரி பொலிஸ் பரிசோதகர் சமன் ஏக்கநாயக்காவின் தலைமையிலேயே, இந்நடவடிக்கை மேற்கொள்ளப்பட்டுள்ளதோடு, மேலதிக விசாரணைகளும் இடம்பெற்று வருகின்றன.